Erregea hiri eder batean bizi zen. Inguruan leize handi bat zegoen. Eta leize hartan, suge handi eta itzu bat, suge izugarria, zazpi burutako sugea hain zuzenera.
Jende asko jaten zuen herensugeak. Herriak herensugearekin tratu bat egin zuen:

- "Urtean, neska bat edukiko duzu, baina gainerako jendeari barkatu"
Herensugea konformatu egin zen. Etxe guztietan egin zuten zotz eta halako batean, erregeren alabari tokatu zitzaion. Erregek, orduan, erreinu osoan iragarri zuen:

- "Nire alaba herensugearengadik salbatzen duena, berarekin ezkonduko da eta gero errege izango da".
Erregeren alaba herensugeari eskaintzeko eguna heldu zen eta zuhaitz batean lotu zuten, leize inguruan. Jende asko bildu zen, baina denak zuhatz adarretara igo ziren, inor ez zen ausartu lurraren gainean egoten. Herensugea irten aurretik, artzain bat agertu zen zakur batekin.
Neska loturik ikustean, galdetu zuen:
- "Zer egiten duzu hor?"
- "Herensugea ni jatera dator"
Eta hori entzundakoan artzain zuhaitz ostean ezkutatu zen bere zakurrarekin. Herensugea bazetorren eta artzainak zakurrari:
- "Zesar, heldu horri!"
Zakurrak piztuari heldu eta hil egin zuen. Artzainak Erregeren alaba askatu egin zuen.
Herensugearen zazpi buruen mihiak kendu eta gorde egin zituen. Neska gonatik, beste zazpi zatitxo ere gorde zituen.
Herensugea hil egin zen eta beraz, Erregearen alaba libre zen. Orduan jendea zuhaitzetatik jaitzi zen. Bapatean gizon batek herensugearen zazpi buruak moztu zituen, zaku batean sartu eta etxera eraman zituen. Erregeek bazkari bat prestatu zuen "Erreino guztian jai izango da!" esanez. Senargai honek herensugearen buruak zeuzkan zakuan. Artzaina ez zuen inork gonbidatu. Baina bazkariaren azkenean heldu zen. Jantokian sartu eta han zegoen bazterrean isilik. Bazkal ondoren, erregek esan zuen:
- Jaun- andreak, egun handia da hau. Nire alaba bizi da eta herensugearen buruak non dauden jakin nahi nuke"
- Hementxe daude - esan zuen senargaiak.
Eta zazpi buruak zakutik atera zituen.
- "Gizon trebea zara, benetan"- esan zuen Erregeak- "zuk salbatu duzu nire alaba eta zen ezkonduko zara nire alabarekin".
Orduan artzainak jaiki eta esan zuen:
- "Hori ez da horrela. Herensugea nire zakurrak hil zuen. Ni naiz zure alabaren senargaia".
- "Nolatan zu?. - Esan zuen harriturik Erregek.- "Honek ez dauzka ba lehensugeran zazpi buruak!".
- Bai, hala da, baina buru horiei zerbait falta zaie. Hemen daude buru horien zazpi mihiak. Hemen dituzu neskaren gonaren zazpi zati ere.

Orduan, Erregek artzaina bere alabarekin ezkondu zuen eta beste senargai gezurtia preso sartu zuen.
Amaiera.