OSAGAIAK
Balmasedako sukaldaritzako gauzarik aipagarriena erabiltzen diren osagaien kalitatea da. Piperrak, indabak, txerrikiak eta abar luzea. Izan ere, derrigorrezkoa da putxeretan prestatzen den indaba-lapikoa, ohitura zaharren arabera prestatutakoa, odoloste, txorizo, urdaia eta saiheskiz hornitua. Horretaz gain okelak eta errekiak ere kalitate handikoak dira

PUTXERA
PUTXERA indaba, urdai, txorizo eta odolostez osatutako plater bakarra da. Ohitura honek La Roblako trenbidean zebiltzan makinisten ohituran dauka jatorria, negu gorrietan, bazkaltzeko jaistea ere ezinezkoa zenean, euren bazkaria lapiko edo putxeran berotzen baitzuten bazkaria, trenaren makinaren lurruna aprobetxatuz.

Balmasedako bertako beste errezeta bat PATATAK BALMASEDAR ERARA edo PATATAK ANTXOEKIN deritzona da.

TXAKOLINA
Txakolina Balmasedan XV. Mendearen hondarretatik lantzen da Balmasedan, frantziar jatorriko abadeek ekarria, Done Jakue bidearen bidez ziur aski. Oso garrantzitsua izan zen gure hiribilduan, hori dela eta ardo honen salmentaren monopolioa izan zuen Mena haranetik hasi eta Castro Urdiales bitartean. Bertoko biztanleen %90kek lantzen zuten txakolina.. Duela hamarkada batzuetatik hona produkzioa berreskuratu da eta gaur egun 60 bat herritar horretan dabiltza.