Galtzada kalean eraikitzen ari diren BOEko 28 etxebizitzen zozketarako eskaerak aurkezteko epea otsailaren 29an amaitu zen. Guztira, 173 eskaera aurkeztu dira; horietatik 24k ez dituzte baldintza guztiak betetzen. Onartutako 149 eskaeretatik, 101 pertsonak Etxebiden izena emanda dute, eta horregatik, lehentasuna izango dute zozketan; gainontzeko 48 pertsonak ez daude Etxebiden. Halaber, gogorarazi nahi dugu etxebizitza bi egokituta daudela elbarrientzat. Bederatzi eskatzailek ez dute eskaturiko gutxieneko diru-sarrerarik jasotzen (9.000 euro), beste hiruk gehieneko diru-sarrerak (33.100 euro) baino gehiago jasotzen dute, bost eskaerak ez dute erroldatze baldintza betetzen (bost urtetik gora edo bestela, 10 urte azken 12 urtean), eskatzaile batek badauka beste etxebizitza bat jabetzan eta azkenik, bi eskatzailek bizikidetza unitateko kide-kopurua (5 kide) gainditzen dute.